شقق الاسكان بالايجار، تفاصيل الحجز والتقديم (فيديو)
city todayشقق الاسكان بالايجار، وزارة الاسكان ممثلة فى صندوق الإسكان الاجتماعي والتمويل العقاري تطرح خلال أيام شقق بنظام الإيجار بالمحافظات والمدن الجديدة، ضمن مشروع “سكن كل المصريين”، بعد موافقة مجلس الوزراء.
شقق الاسكان الاجتماعي بالإيجار
– الطرح الجديد من المقرر ان يضم 1000 شقة جاهزة للتسليم فى 4 محافظات هي (المنوفية، الجيزة، الشرقية، بني سويف)، وده كمرحلة أولى.
– مدة الإيجار 7 سنوات، وقيمة الإيجار 1500 جنيه شهريا للشقة 90 مترا مربعا، و 1200 جنيه شهريًا للشقة ٧٥ مترا مربع وهى شاملة مصروفات الإدارة والتحصيل والصيانة، وتزيد قيمة بنسبة 7% سنويًا.
– وقيمة الايجار لا تزيد عن 25% من دخلك الشهري والصندوق هيسدد باقي قيمة الإيجار نيابة عنك كدعم نقدي .
– ويتم سداد 3 شهور مقدم حجز الشقة ويتم استرداده بعد نهاية مدة الإيجار.
-وصندوق الاسكان الاجتماعى هيكون مسؤول عن تركيب عدادات المرافق المياه والغاز والكهرباء.
شقق سكن كل المصريين بالايجار
وعلى مستوى شروط التقديم:
– لا يحق للأسرة التقدم لحجز أكثر من شقة.
– لا يزيد صافي دخلك الشهري عن 6000 جنيه شهريًا للفرد، و8000 جنيه شهريًا للأسرة، ولا يكون دخلك الشهري اقل من 2500 جنيه.
– هيكون فى بحث اجتماعي عنك من وزارة التضامن الاجتماعي للتأكد من صحة المستندات المقدمة ال انت هتقدمها.. وهل انت تستحق الشقة ام لا .
-وهيكون فى استعلام عنك للتأكد انك محصلتش على شقة أو دعم قبل كدة من وزارة الاسكان
وفى نقطة مهمة هنا .. وهى انه من حقك انه تقدم على الشقة ولكن مش هتاخد دعم وده فى حالة انك لو حصلت على شقة او دعم قبل كدة من الوزارة.
وكمان من حقك بعد كدة انك تقدم على طروحات الشقق ال بعد كدة ال بنظام التمليك
والدعم الذى ممكن تاخده من الوزارة يصل لـ 90 ألف جنيه وده لو دخلك الشهري 2500 جنيه، وتقل قيمة الدعم ل 5000 جنيه لو دخلك الشهري وصل 5900 جنيه، والدعم هيصرف شهريًا خلال مدة الإيجار.. وكل ده بالنسبة للشقق مساحة 90 متر مربع.
وعلى مستوى دعم شقق مساحة 75 متر ممكن يوصل ل 60 ألف جنيه وده لو دخلك الشهري 2500 جنيه، وتقل قيمة الدعم ل 5000 جنيه لو دخلك الشهري وصل 4600 جنيه.