الاسكان تطرح شقق الإيجار.. اعرف التفاصيل وشروط التقديم (فيديو)

الاسكان تطرح شقق الإيجار، صندوق الاسكان الاجتماعي بوزارة الاسكان يجهز لطرح جديد لشقق بنظام الإيجار وهى شقق جاهزة وكاملة التشطيب واستلام فوري وبقسط بسيط.. يناسب المواطنين محدودي الدخل.

 

شقق الإيجار من الإسكان

وبحسب مى عبدالحميد رئيس صندوق الاسكان الاجتماعي والتمويل العقاري، هيتم الاعلان عن الطرح الجديد خلال أسابيع والتقديم هيكون من خلال الصندوق … والطرح الجديد هيضم فى البداية حوالي 1000 شقة جاهزة للتسليم فى 4 محافظات هي (المنوفية، الجيزة، الشرقية، بني سويف)، وده كمرحلة أولى… وفترة الإيجار هتكون 7 سنين، وقيمة الإيجار حوالي 1500 جنيه شهريا للشقة 90 مترا مربعا، و 1200 جنيه شهريًا للشقة ٧٥ مترا مربع وهى شاملة مصروفات الإدارة والتحصيل والصيانة، وتزيد قيمة الايجار بنسبة 7% سنويًا.

وكمان قيمة الايجار لا تزيد عن  25% من دخلك الشهري والصندوق هيسدد باقي قيمة الإيجار نيابة عنك كدعم نقدي .

– ويتم سداد 3 شهور مقدم حجز الشقة ويتم استرداده بعد نهاية مدة الإيجار.

-وصندوق الاسكان الاجتماعى هيكون مسؤول عن تركيب عدادات المرافق المياه والغاز والكهرباء.

 

الاسكان تطرح شقق الإيجار

شروط التقديم:

– لا يحق للأسرة التقدم لحجز أكثر من شقة.

– لا يزيد صافي دخلك الشهري عن 6000 جنيه شهريًا للفرد، و8000 جنيه شهريًا للأسرة، ولا يكون دخلك الشهري أقل من   2500 جنيه.

– هيكون فى بحث اجتماعي عنك من وزارة التضامن الاجتماعي للتأكد من صحة المستندات المقدمة ال انت هتقدمها.. وهل انت تستحق الشقة ام لا .

-وهيكون فى استعلام عنك للتأكد انك محصلتش على شقة أو دعم قبل كدة من وزارة الاسكان

وفى نقطة مهمة هنا .. وهى انه من حقك انه تقدم على الشقة ولكن مش هتاخد دعم وده فى حالة انك لو حصلت على شقة او دعم قبل كدة من الوزارة.

وكمان من حقك بعد كدة انك تقدم على طروحات الشقق ال بعد كدة ال بنظام التمليك

وعلى مستوى الدعم ال ممكن تاخده من الوزارة  ممكن يوصل ل  90 ألف جنيه وده لو دخلك الشهري 2500 جنيه، وتقل قيمة الدعم ل 5000 جنيه لو دخلك الشهري وصل  5900 جنيه، والدعم هيصرف شهريًا خلال مدة الإيجار.. وكل ده بالنسبة للشقق مساحة 90 متر مربع.

وعلى مستوى دعم شقق مساحة 75 متر  ممكن يوصل ل  60 ألف جنيه وده لو دخلك الشهري 2500 جنيه، وتقل قيمة الدعم ل 5000 جنيه لو دخلك الشهري وصل  4600 جنيه،