شقق سكن كل المصريين 5، أهم الاسئلة للتقديم على موقع صندوق الاسكان الاجتماعي (فيديو)
city todayموقع صندوق الاسكان الاجتماعي.. مشاكل وأسئلة كثيرة يطرحها المواطنين المتقدمين على موقع صندوق الاسكان الاجتماعي والتمويل العقاري للحجز فى شقق سكن كل المصريين 5.
الطرح الجديد لشقق الاسكان الاجتماعي – سكن كل المصريين 5 عليه إقبال كبير من المواطنين، ونستعرض أبرز التساؤلات وإجاباتها عن موقع صندوق الاسكان الاجتماعي حتى تضمن التقديم بسهولة.
موقع صندوق الاسكان الاجتماعي
– لو عندك حساب قديم قبل كدة على الموقع ومش عارف تدخل عليه وكمان مش عارف تعمل حساب جديد؟
في الحالة دي هتضغط على زر (نسيت كلمة المرور) .. وتكمل الخطوات وتدخل الحساب تاني عااادي
فى حالة صعوبة وعدم إنشاء حساب ليك ولأول مرة على الموقع
فى الحالة دي ترجع لخدمة عملاء الصندوق والاتصال على الارقام دي: 5999 أو 5777 أو 1188 من أي تليفون محمول، ورقم 090071117 من أي خط أرضي أو من خلال صفحة الفيسبوك
تقديم شقق الاسكان 2025
– ولكن فى حالة لقيت رسالة بسبق الاستفادة عند التسجيل وده بالرغم انك سحبت مقدم جدية الحجز قبل كدة؟
– هنا لازم تقدم إفادة بسحب جدية الحجز وتقدمها مع مستندات الإعلان الجديد.
– لو لقيت رسالة “وجود طلب سابق على النظام” للمطلق أو المطلقة
– هنا هتكمل التقديم عاادي وترفع المستندات وبعد غلق الإعلان الصندوق هيعدل البيانات
– مش عارف تعدل رقم التليفون على الموقع أثناء التقديم؟
كدة لازم ترجع لخدمة عملاء الصندوق والاتصال على ارقام: 5999 أو 5777 أو 1188 من أي تليفون محمول، ورقم 090071117 من أي خط أرضي أو من خلال صفحة الفيسبوك
حجز شقق الاسكان الاجتماعي
– لو ظهرتلك رسالة خطأ “ برجاء الاتصال بخدمة العملاء”؟
ج- حاول مرة تانية لو تكررت ارجع لخدمة عملاء الصندوق والاتصال على ارقام : 5999 أو 5777 أو 1188 من أي تليفون محمول، ورقم 090071117 من أي خط أرضي أو من خلال صفحة الفيسبوك
لو الموقع الإلكتروني “واقع” دائمًا … حاول تاني وباستمرار .. لانه فى ضغط كبير من المتقدمين.
فى حالة موصلكش الكود علشان تكتب كلمة المرور Password
انتظر شوية … ممكن يتأخر بسبب الشبكة
– لو مش فاكر كلمة المرور للدخول على الموقع
اضغط على نسيت كلمة المرور وكمل الخطوات واعمل كلمة مرور تانية
شقق الاسكان الاجتماعي 2024
واجهتك مشكلة فى تحميل المستندات والاوراق
ج- اتاكد ان مساحة المستندات أقل من 2 ميجا
لو محتاج تعدل المدينة ال هتقدم عليها بعد تسجيلها
هتدخل الموقع مرة تانية وتعدل البيانات وهتضغط على إرسال…وده متاح لحد غلق باب التقديم
فى حالة مظهرتش ليك خانة المشروع على الموقع
حاول مرة تانية بسبب الضغط على الموقع.
ظهرتلك رسالة “تم حفظ طلبكم ولكن لم نستطع تأكيد الدفع من خلال البريد المصري”
ده طبيعي لان مدفوعات البريد بتوصل بعدها.