ادفع 20 ألف جنيه.. واحجز شقتك فى 5 مشروعات بوزارة الاسكان (فيديو)

شقق الإسكان، تطرح وزارة الاسكان شقق عدد من المشروعات المختلفة لتناسب احتياجات مختلف الشرائح من المواطنين سواء محدودي او متوسطي الدخل.

ونستعرض تفاصيل شقق المشروعات المتاح التقديم عليها حاليا حتى تختار ما يناسبك منها:

 

شقق سكن كل المصريين 5
شقق الطرح الجديد لمشروع الاسكان الاجتماعي وشقق سكن كل المصريين 5 .. والشقق لمحدودي ومتوسطي الدخل .. والتقديم عليها من خلال موقع صندوق الاسكان الاجتماعي والتمويل العقاري .. والشقق بمساحات من 75 – 90 متر مربع بنظام التمويل العقاري والتقسيط حتى 20 سنة .. بفائدة 8% لمحدودي الدخل و12% لمتوسطي الدخل … وجدية الحجز 20 – 30 الف جنيه ..

الإعلان الجديد لشقق الاسكان الاجتماعي يضم أكتر من 78 ألف شقة منهم حوالي 41 ألف شقة بمساحة 75 و90 متر  تحت الإنشاء والتسليم خلال 3 سنين.. وحوالي 35 ألف شقة جاهزة للتسليم

وسعر الشقق الجاهزة للتسليم بالمحافظات ما بين 184 إلى 400 ألف جنيه.

وسعر الشقق الجاهزة للتسليم بالمدن الجديدة  ما بين 415 إلى 530 ألف جنيه.

وسعر الشقق تسليم خلال 3 سنين يتراوح ما بين 542 ألف جنيه إلى 700 ألف جنيه.

والشقق الجاهزة للتسليم في أكتوبر الجديدة  والعاشر من رمضان  وبرج العرب الجديدة والسادات  وأخميم الجديدة وسوهاج الجديدة  وقنا الجديدة  وغرب قنا  وطيبة الجديدة والمنيا الجديدة  وأسوان الجديدة

والشقق أيضا فى الجيزة (العياط، وجزر القطوري) والشرقية والمنوفية  والفيوم والإسماعيلية والبحيرة ومطروح وشمال سيناء وجنوب سيناء وبني سويف والمنيا وسوهاج  وقنا وأسيوط  والأقصر  وأسوان

ولكن الشقق التسليم خلال 3 سنين هنلاقيها فى حدائق العاصمة و15 مايو وأكتوبر الجديدة وحدائق أكتوبر والعاشر من رمضان وبرج العرب الجديدة والسادات وأسوان الجديدة 504 شقة، والمنيا الجديدة

تقديم شقق دار مصر 

وهى شقق مشروع دار مصر  والشقق دي تطرحها وزارة الاسكان من خلال هيئة المجتمعات العمرانية والتقديم عليها الكتروني على موقع “مسكن” وشقق دار مصر تناسب اكتر متوسطي الدخل لانها غير مدعومة .. والشقق بمساحات من 100م² إلى 150م² كاملة التشطيب وجاهزة للتسليم وبتدفع جدية حجز بقيمة 100 ألف جنيه .. والشقق مطروحة فى حدائق أكتوبر والسادات والعاشر من رمضان .. وسعر المتر فى حدائق اكتوبر حوالي 11 الف جنيه والسادات ب8 الاف وخمساية جنيه والعاشر من رمضان ب10 الاف و200 جنيه.

ونظام سداد الشقق على 3 او 5 او 7 سنين

 

شقق جنة مصر بالمدن الجديدة

شقق جنة .. والشقق كاملة التشطيب وجاهزة للتسليم والتقديم عليها الكتروني على موقع “مسكن” .. وشقق جنة بمساحات 100- 150 متر ، والطرح فى مدن القاهرة الجديدة وسعر المتر فيها 15 ألف و850 جنيه ، و 6 أكتوبر 15 ألف و500 جنيه، ودمياط الجديدة  بسعر 12 ألف و950 جنيه للمتر.

وجدية الحجز للشقق 150 الف جنيه ونظام سداد الشقق على 3 او 5 او 7 سنين.

 

شقق سكن مصر

شقق سكن مصر .. والشقق كاملة التشطيب وجاهزة للتسليم والتقديم عليها الكتروني على موقع “مسكن” ومساحات الشقق من 106 – 133 متر مربع ..

والطرح فى القاهرة الجديدة بسعر 11500 جنيه للمتر وحدائق أكتوبر 9600 جنيه ، وأكتوبر الجديدة 9900 جنيه، والشروق 11470 جنيهًا للمتر، والعلمين الجديدة 15000 جنيه للمتر، ودمياط الجديدة 11000 جنيه للمتر، والمنيا الجديدة 8100 جنيه للمتر، وغرب قنا الجديدة 7650 جنيهًا للمتر، وناصر الجديدة –غرب اسيوط 8150 جنيهًا للمتر

 

شقق  الإسكان المتميز
شقق  الإسكان المتميز والشقق كاملة التشطيب وجاهزة للتسليم والتقديم عليها الكتروني على موقع “مسكن” والشقق فى دمياط الجديدة والمنصورة الجديدة وبدر، والعبور.